uMphathiswa weSebe lezeMfundo eMpuma Kapa, esebenzisana kunye neNkampani yakwa Northam Zondereinde Platinum banikezele ngezakhiwo zesikolo kunye nezindlu zangesese kwizikolo ezimbhini iCanguba kunye St Patricks Senior Secondary, kwizithili zase OR Tambo Coastal kunye ne OR Tambo inland ngomhla wesi 8 and 9 kuTshazimpunzi kulonyaka umiyo.

Oku kuza emveni kwesivumelwano esatyikitywa ngongasekhoyo intloko yesebe u Thembha Kojana kunye neNtloko yakwa Northam Zondereinde kwiminyaka emihlanu edlulileyo (2019).

Kule ntsebenziswano nalomzi mveliso wezimbiwa wakwa Northam Zondereinde, neliphondo kuzuzeke izigidi ezingamashumi amabini anesihlanu nesiqingatha kutyalo mali abalwenzileyo.

Kwesi sixa salemali kubalwa nentywenka yemali engangezigidi ezilishumi elinesine nesiqingatha abathe bayifaka kulwakhiwo lwezikolo ezintathu.

Ezo zikolo zihlangene zifundisa zikwalungiselela abntwana abaliwaka elinesihlanu esithe sazivula ngokusesikweni kwinyanga ka February kulonyaka.

Ngale ntsebenziswano nabezoshishino labucala, kukho ithemba elikhulu lokuba iingxaki ezijongene neliSebe nazo zizakuphuhlisa iinkonzo nezakhiwo eziziseko, eli Phondo leMpuma Kapa neliyinxalenye yalo ezilali, lingakhawulelana nazo ezo zisombululo isuntsu nesuntswana ukulungiselela bonke abafundi beli Phondo.

ISebe liye ladlulisa ongazenzisiyo umbulelo kwabo bamele lomzi mveliso wezimbiwa wakwa Nortam Zondererinde, ngenxaxheba nenkxaso yabo kwiinzame zokuphuhlisa iziseko nezakhiwo zokunika iinkonzo zoluntu apha kulomhlaba wase Lusikisiki.

Lisithi nangamso, matholanyengande kukudlelana.