ISebe lezeMfundo likwiphulo lokuPhuhlisa iziCwangciso zenkonzo yabasebenzi balo

Author: Andiswa Mzizi-Dokolwana
Date: 14 September 2021

ICandelo elijongene noPhuhliso yeMithombo yabasebenzi (Human Resource Development) kwiSebe lezeMfundo eMpuma Koloni likwiphulo elintsuku-ntlanu lokuphumeza izicwangciso zenkonzo yoluntu ebanjelwe kwiziko iMandla Makupula Education Institute kwidolophu yaseMonti.

Injongo yoluqeqesho kukuxhobisa nokunika izakhono kubasebenzi abakwelicandelo lokuPhuhlisa Imithombo yabasebenzi (Human Resource Development) nasekunikeni ulwazi oluphangaleleyo kubasebenzi, nokukhuthaza iinkonzo ezixolisayo kuluntu. Ukuhlanganisa imbono zesebe, ezikwizicwangciso zomqulu weli sebe.

“Icandelo loPhuhliso leMithombo yabasebenzi yesebe lilelona candelo liyintloko, elijongene nokunikezelwa kwentlalontle, uphuhliso, ukujongwa kweemeko zengqesho nenkonzo zezibonelelo zabasebenzi”, uthethe watcho uBulelwa Lusaneni, ongumququzeleli kolu qeqesho.

Enye injongo yolu qeqesho kukudlulisa ulwazi nezakhono, njengoko zibalulekile ekubumbeni abantu abakwinkonzo yoluntu, bantu abo ekumele bakufanele ukuphumeza iinkqubo zabo.

UBongani Mbambeni, ojongene neebhasari kweli candelo le Mithombo yoPhuhliso lwaBasebenzi (Human Resource Development) kwisixeko esimbaxa iBuffalo, uthe olu qeqesho luzakunceda ekuphumezeni iinkqubo zoqeqesho. 

Eyona nto ibalulekileyo ekubekeni esweni nasekuvavanyeni emsebenzini, kukuphonononga ukuba uqeqesho olujoliswe kubasebenzi lwenza umahluko na kwindlela abasebenza ngayo.

Konke oku kwenziwa ngomqondo othi abasebenzi abonwabileyo nabasempilweni benza umsebenzi oncomekayo. 

Abezenkonzo yeSebe bakuzuza amanqaku anokukhokelela ekufumaneni izatifikhethi ezinxulumene necandelo leMithombo yoPhuhliso yabaSebenzi.

Gallery (click to view)