Isebe lezeMfundo kwiPhondo le Mpuma Koloni belisingathe umsitho wokunikezela ngenqwelo zithuthi kwizikolo ezithandathu zabafundi abaphila nenkubazeko kwiZiko iMandla Makupula Education Institute kwisixeko esimbaxa saseMonti namhlanje.

Ezi nqwelo zithuthi ziyinxalenye yezicwangciso zesebe ,ngenjongo zokuqinisekisa ukuba bonke abafundi kuquka nabo baphila ngenkubazeko banako ukuzuza ulwazi ukuze bafikelele kwizinto ezincedisana kunye nemfundo yabo jikelele.

Kulo msitho isebe belindwendwelwe ngu Sekela-Somlomo ephuma kwiNdlu Yowiso Mthetho yePhondo leMpuma Koloni, uMnumzana Mlibo Qhoboshiyane okwajongene neenkqubo zokuncedisana nabantwana abaphila ngenkubazeko ,othe wayinxalenye yokunikezela izithuthi ngokusesikweni kunye no Mphathiswa weli Sebe lezeMfundo uMnumzana Fundile Gade.

uMphathiswa Mnumzana Fundile Gade, ugxinisisile waqinisekisa ukuba,akuphelelanga kwinqwelo zodwa,ukubonakalisa ukuba uRhulumente uyazingca kwaye uyakhathala ngabafundi abaphila ngenkubazeko, zikhona izicwangciso ezikhoyo ezenziwayo lisebe, ukuphucula imfundo nemeko abantwana abaphila phantsi kwazo ezikolweni ngokuba bonke ngabethu. 

Izikolo ezithe zachongwa ekuzuzeni kwezinqwelo,ingakumbi izikolo zasezilalini apho kubanzima ukuba abantwana bafumane izithuthi zokuba fikisa ezikolweni zezi zilandelayo:-

-Lonwabo Special School

-Lingomsolethu Special School

-King Ndlovuyezwe Special School

-Manzabila School of Autism

-Nomvume School of Autism

-Mt Fletcher Special School.